BhG 11.40

syntax

he sarva (O you who are everything!) he ananta-vīrya (O you who have unlimited strength!),
te (to you) purastāt (from the front) namaḥ [astu] (it must be obeisance),
atha pṛṣṭhataḥ (moreover from behind) namaḥ astu (it must be obeisance),
[te] (to you) sarvataḥ eva (just from all sides) [namaḥ astu] (it must be obeisance).
tvam amita-vikramaḥ (you whose heroism is boundless) sarvam (all) samāpnoṣi (you obtain),
tataḥ (therefore) [tvaṁ] (you) sarvaḥ asi (you are all).

grammar

namaḥ	–	namaḥ 1n.1 n. – obeisance, salutation (from: √nam – to bend, to bow);
purastāt	–	av. – from the front (from: av. puras – in front);
atha	–	av. – then, now, moreover, certainly, rather;
pṛṣṭhataḥ	–	av. – from behind (from: pṛṣṭha – back, rear, hinder; indeclinable ablative with an ending: –tas);
te	–	yuṣmat sn. 4n.1 – to you (shortened form of: tubhyam);
namaḥ	–	namaḥ 1n.1 n. – obeisance, salutation (from: √nam – to bend, to bow);
astu	–	√as (to be) Imperat. P 1v.1 – it must be;
te	–	yuṣmat sn. 4n.1 – to you (shortened form of: tubhyam);
sarvataḥ	–	av. – from all sides, everywhere, entirely (from: sarva – all, whole; indeclinable ablative with an ending -tas);
eva	–	av. – certainly, just, merely;
sarva	–	sarva sn. 8n.1 m. – O you who are everything!;
ananta-vīrya	–	ananta-vīrya 8n.1 m.; BV: yasya vīryasyāntaḥ nāsti tvam / yasya vīryam ananam asti tvam – O you who have unlimited strength (from: anta – the end, limit, boundary, death, an-anta – without end, endless; vīrya – manliness, valour, strenght, semen);
amita-vikramaḥ	–	amita-vikrama 1n.1 m.; BV: yasya vikramo ‘mitaḥ asti saḥ / yasya vīryam ananam asti tam – whose heroism is boundless (from: vi-√kram – to step beyond, to attack, vi-krama – going, courage, valour, heroism; √mā – to measure, PP mita – measured, llimited, a-mita – boundless, infinite);
tvam	–	yuṣmat sn. 1n.1 – you;
sarvam	–	sarva sn. 2n.1 n. – all, whole (sarvam idam – mostly used to mean ‘this world’);
samāpnoṣi	–	sam-√āp (to obtain, to reach) Praes. P 2v.1 – you obtain, you pervade;
tataḥ	–	av. – then, after that, from that, for that reason (from: tat – indeclinable ablative with an ending -tas);
asi	–	√as (to be) Praes. P 2v.1 – you are;
sarvaḥ	–	sarva sn. 1n.1 m. – who is all;

textual variants

pṛṣṭhatas te → pṛṣṭhatas ca (and from behind);
sarva → sarve / sarvaḥ (all / being everything);
ananta-vīryāmita-vikramas → ananta-vīryo ‘mita-vikramas / ananta-vīryāmṛta-vikramas (you whose valour is unlimited, whose heroism is boundless / O you whose valour is unlimited! You whose heroism is immortal);
sarvaṁ samāpnoṣi → vyāpnoṣi sarvaṁ ca (and all you pervade);
sarvaḥ → sarva (O you who are everything!);

… → after the second pada of verse BhG 11.40 there are two padas not found in critical edition:
na hi tvad anyaḥ kaś cid apīha deva lokatraye dṛśyate ‚cintyakarmā
O god, indeed no one can be seen here and even in the three worlds,
who would be different from you. [You] performing inconceivable actions…

Śāṃkara

tathā—
namaḥ purastāt pūrvasyāṃ diśi tubhyam, atha pṛṣṭhatas te pṛṣṭhato’pi ca te namo’stu te sarvata eva sarvāsu dikṣu sarvatra sthitāya | he sarva ! ananta-vīryāmita-vikramo’nantaṃ vīryam asya, amito vikramo’sya | vīryaṃ sāmarthyaṃ vikramaḥ parākramaḥ | vīryavān api kaścit śatru-vadhādi-viṣaye na parākramate, manda-parākramo vā | tvaṃ tv ananta-vīryo’mita-vikramaś cety ananta-vīryāmita-vikramaḥ | sarvaṃ samastaṃ jagat samāpnoṣi samyag ekenātmanā vyāpnoṣi yataḥ, tatas tasmād asi bhavasi sarvas tvam | tvayā vinābhūtaṃ na kiṃcid astīty abhiprāyaḥ

Rāmānuja

atyadbhutākāraṃ bhagavantaṃ dṛṣṭvā harṣotphullanayano ‚tyantasādhvasāvanataḥ sarvato namaskaroti
amitavīrya, aparimitaparākramas tvaṃ sarvātmatayā samāpnoṣi; tataḥ sarvo ‚si / yatas tvaṃ sarvaṃ cidacidvastujātam ātmatayā samāpnoṣi, ataḥ sarvasya cidacidvastujātasya tvaccharīratayā tvatprakāratvāt sarvaprakāras tvam eva sarvaśabdavācyo ‚sītyarthaḥ / „tvam akṣaraṃ sad asat”, „vāyur yamo ‚gniḥ” ityādisarvasāmānādhikaraṇyanirdeśasyātmatayā vyāptir eva hetur iti suvyaktam uktam, „tvayā tataṃ viśvam anantarūpa”, „sarvaṃ samāpnoṣi tato ‚si sarvaḥ” iti ca

Śrīdhara

bhakti-śraddhābhayātiśayena namaskāreṣu tṛptim anadhigacchan punar api bahuśaḥ praṇamati nama iti | he sarva sarvātman sarvāsu dikṣu tubhyaṃ namo ‚stu | sarvātmakam upapādayann āha anantaṃ vīryaṃ sāmarthyaṃ yasya tathā | amito vikramaḥ parākramo yasya saḥ | evaṃ bhūtas tvaṃ sarvaṃ viśvaṃ samyag antar bahiś ca samāpnoṣi vyāpnoṣi | suvarṇam iva kaṭaka-kuṇḍalādi sva-kāryaṃ vyāpya vartase tataḥ sarva-svarūpo ‚si

Madhusūdana

tubhyaṃ purastād agra-bhāge namo ‚stu tubhyaṃ puro namaḥ syād iti vā | atha-śabdaḥ samuccaye | pṛṣṭhato ‚pi tubhyaṃ namaḥ syāt | namo ‚stu te tubhyaṃ sarvata eva sarvāsu dikṣu sthitāya he sarva ! vīryaṃ śarīra-balaṃ vikramaḥ śikṣā śastra-prayoga-kauśalam | ekaṃ vīryādhikaṃ manya uttaikaṃ śikṣayādhikam ity ukter bhīma-duryodhanayor anyeṣu caikaikaṃ vyavasthitam | tvaṃ tu ananta-vīryaś cāmita-vikramaś ceti samastam ekaṃ padam | ananta-vīryeti sambodhanaṃ vā | sarvaṃ samastaṃ jagat samāpnoṣi samyag ekenaa sad-rūpeṇāpnoṣi sarvātmanā vyāpnoṣi tatas tasmāt sarvo ‚si tvad-atiriktaṃ kim api nāstīty arthaḥ

Viśvanātha

sarvaṃ sva-kāryaṃ jagad āpnoṣi vyāpnoṣi svarṇam iva kaṭaka-kuṇḍalādikam atas tvam eva sarvaḥ

Baladeva

bhakty-atiśayena namaskāreṣv alaṃ bhāvam avidan bahukṛtvaḥ praṇamati namaḥ purastād iti | he sarva ! purastāt pṛṣṭhataḥ sarvataś ca sthitāya te namo namo ‚stu | ananteti karma-dhārayaḥ | vīryaṃ deha-balaṃ vikramas tu dhī-balaṃ śastra-prayogādi-prāvīṇya-rūpam | ekaṃ vīryādhikaṃ manyataikaṃ śikṣayādhikam iti bhīma-duryodhanāv uddiśyokteḥ | sarva-rūpatvehe tum āha sarvaṃ samāpnoṣīti | evam evoktaṃ śrī-vaiṣṇave –
yo ‚yaṃ tavāgato deva samīpaṃ devatā-gaṇaḥ |
sa tvam eva jagat-sraṣṭā yataḥ sarva-gato bhavān || iti