BhG 18.62

syntax

he bhārata (O descendant of Bhārata!),
sarva-bhāvena (with all [his] heart) tam eva (only to him) śaraṇam (being the shelter) gaccha (you must go),
tat-prasādāt (from his satisfaction) parām śāntim (the supreme tranquility) śāśvatam sthānam ca (and eternal abode) prāpsyasi (you will obtain).

grammar

tam	–	tat sn. 2n.1 m. – to him;
eva	–	av. – certainly, just, merely;
śaraṇam	–	śaraṇa 2n.1 n. – to shelter, to refuge, to protection (from: √śri – to turn towards, to lean on, to rest on, to resort);
gaccha	–	√gam (to go) Imperat. P 2v.1 – you must go;
sarva-bhāvena	–	sarva-bhāva 3n.1 m.; sarvena bhāveneti – with all his nature, with all his emotions, with all his heart (from: sarva – all, whole; √bhū – to be, bhāva – state, existence, nature, emotions);
bhārata	–	bhārata 8n.1 m. – O descendant of Bhārata;
tat-prasādāt	–	tad-prasāda 5n.1 m.; TP: tasya prasādād iti – from his satisfaction (from: tat sn. – that; pra-√sad – to settle down, to be pleased, to be successful, prasāda – satisfaction, favour, calmness, clearness, success, kindness);
parām	–	para 2n.1 f. – beyond, ancient, final, the best, the supreme;
śāntim	–	śānti 2n.1 f. – tranquility, peace, satisfaction, end, death (from: √śam – to calm, to put to an end, to destroy);
sthānam	–	sthāna 2n.1 n. – state, place, position (from: √sthā – to stand);
prāpsyasi	–	pra-√āp (to obtain) Fut. P 2v.1 – you will obtain;
śāśvatam	–	śāśvata 2n.1 n. – eternal, permanent, constant;

textual variants

tam eva → tām eva (only to that);
bhārata → pāṁḍava (O son of Pāṇḍu!);
tat-prasādāt → mat-prasādāt (from my satisfaction);
śāntiṁ → siddhiṁ (perfection);
prāpsyasi → prāpsyati (he will obtain);

Śāṃkara

tam eva īśvaraṃ śaraṇam āśrayaṃ saṃsārārti-haraṇārthaṃ gacchāśraya sarva-bhāvena sarvātmanā he bhārata ! tatas tat-prasādād īśvarānugrahāt parāṃ prakṛṣṭāṃ śāntim uparatiṃ sthānaṃ ca mama viṣṇoḥ paramaṃ padaṃ prāpsyasi śāśvataṃ nityam

Rāmānuja

etan māyānivṛttihetum āha
yasmād evam, tasmāt tam eva sarvasya praśāsitāram, āśritavātsalyena tvatsārathye ‚vasthitam, „itthaṃ kuru ” iti ca śāsitāraṃ sarvabhāvena sarvātmanā śaraṇaṃ gaccha / sarvātmanānuvartasva / anyathāpi tanmāyāpreritenājñena tvayā yuddhādikaraṇam avarjanīyam / tathā sati naṣṭo bhaviṣyasi / atas taduktaprakāreṇa yuddhādikaṃ kurv ityarthaḥ / evaṃ kurvāṇas tatprasādāt parāṃ śāntiṃ sarvakarmabandhopaśamaṃ śāśvataṃ ca sthānam prāpsyasi / yad abhidhīyate śrutiśataiḥ, „tadviṣṇoḥ paramaṃ padaṃ sadā paśyanti sūrayaḥ, „te ha nākaṃ mahimānaḥ sacante yatra pūrve sādhyāḥ santi devāḥ”, „yatra ṛṣayaḥ prathamajā ye purāṇāḥ”, „pareṇa nākaṃ nihitaṃ guhāyām”, „yo ‚syādhyakṣaḥ parame vyoman”, „atha yad ataḥ paro divo jyotir dīpyate”, „so ‚dhvanaḥ pāram āpnoti tadviṣṇoḥ paramaṃ padam” ityādibhiḥ

Śrīdhara

tam iti | yasmād evaṃ sarve jīvāḥ parameśvara-paratantrāḥ tasmād ahaṅkāraṃ parityajya sarva-bhāvena sarvātmanā tam īśvaram eva śaraṇaṃ gaccha | tataś ca tasyaiva prasādāt parāṃ uttamāṃ śāntiṃ sthānaṃ ca pārameśvaraṃ śāśvataṃ nityaṃ prāpsyasi

Viśvanātha

etaj-jñāpana-prayojanam āha tam eveti | parām avidyāvidyayor nivṛttim | tataś ca śāśvataṃ sthānaṃ vaikuṇṭham | iyam antaryāmi-śaraṇāpattiḥ antaryāmy-upāsakānām eva | bhagavad-upāsakānāṃ tu bhagavac-charaṇāpattiḥ | agre vakṣyata eveti kecid āhuḥ | anyas tu yo mad-iṣṭa-devaḥ śrī-kṛṣṇaḥ sa eva mad-gurur māṃ bhakti-yogam anukūlaṃ hitaṃ copadeśam upadiśati ca | tam ahaṃ śaraṇaṃ prapadye ity aniśaṃ bhāvayeti | yad uktam uddhavena –
naivopayanty apacitiṃ kavayas taveśa
brahmayusāpi kṛtam ṛddha-mudaḥ smarantaḥ |
yo ‚ntar-bahis tanu-bhṛtām aśubhaṃ vidhunvan
ācārya-caittya-vapuṣā sva-gatiṃ vyanakti || (BhP 11.29.6) iti

Baladeva

tarhi tam eveśvaraṃ sarva-bhāvena kāyādi-vyāpāreṇa śaraṇaṃ gaccha | tataḥ kim iti cet tatrāha tad iti | parāṃ śāntiṃ nikhila-kleśa-viśleṣa-lakṣaṇāṃ | śāśvataṃ nityaṃ sthānaṃ ca, tad viṣṇoḥ paramaṃ padam ity ādi śruti-gītaṃ tad dhāma prāpsyasi | sa ceśvaro ‚ham eva tvat-sakhaḥ sarvasya cāhaṃ hṛdi sanniviṣṭaḥ ity (Gītā 15.15) ādi mat-pūrvokter deva-rṣy-ādi-sammati-grāhiṇā tvayāpi paraṃ brahma paraṃ dhāma (Gītā 10.12) ity-ādinā svīkṛtatvāc ca | viśva-rūpa-darśane pratyakṣitatvāc ca | tasmān mad-upadeśe tiṣṭheti